• Baxış sayı 672

Mədəniyyət Nazirliyinin “Ölü canlar kralı“ – Mehman Şükürov Sumqayıt Regional Mədəniyyət İdarəsində “rüzgar“ əsdirir

Sumqayıt Regional Mədəniyyət İdarəsində ciddi yeyinti faktları var

Bu barədə azfakt.com-un əldə etdiyi məlumatda deyilir.

Məlumata görə Sumqayıt Regional Mədəniyyət İdarəsinin rəisi Mehman Şükürov bir çox maxinasiyaları əsasən idarənin tabeliyində olan köçkün rayonların mədəniyyət müəssisələrində həyata keçirir. İdarənin tabeliyində olan Qubadlı, Zəngilan və Şuşa rayonlarının mədəniyyət müəssisələrində xeyli sayda “ölü can”ların olduğu da məlumatlar arasında yer alır.

Qeyd edilir ki, klubların, mədəniyyət evlərinin, kitabxana binalarının, rəsm qalareyalarının cari təmiri üçün dövlət tərəfindən ayrılan vəsaitlər də idarə rəhbərliyi tərəfindən mənimsənilir. Görüləcək işlər isə sadəcə olaraq kosmetik formada həyata keçirilir. Məlumatda iddia olunur ki, Mehman Şükürovun mühasibi ilə hər ay İdarənin tabeliyində olan müəssisələrdə işləyən işçilərin əmək haqqından 4-10 manat kəsməklə ayda 6 min manata yaxın qazanc əldə edir. Bundan başqa musiqi məktəblərdə işləyən müəllimlərin adına yazılan artıq dərs saatlarının pulu da məhz İdarə rəhbərliyinə çatır.

Bununla yanaşı, tender məsələlərində də Mehman Şükürovun maxinasiyalara yol verdiyi söylənilir. Məsələn, iddiaya görə ötən il İdarəyə komputer və digər texniki avadanlıqların alınması zamanı keçirilən 27900 manatlıq tenderdə 10000 (on min) manatdan çox vəsait mənimsənilib.

Xəbərdə vurğulanır ki, Sumqayıt Regional Mədəniyyət İdarəsinin rəisinin bu cür qanunsuzluqlara yol verməsinə rəğmən heç kimdən çəkinməməsinə səbəb isə Sumqayıt Şəhər İcra Hakimiyyətinin başçısı Zakir Fərəcovla yaxın dost olmasıdır. Zakir Fərəcovla olan dostluğuna görədir ki, Mehman Şükürovun rəis olduğu Sumqayıt Regional İdarəsində heç bir yoxlama aparılmır, nazirlik tərəfindən gələn audit isə necə lazımdı elə də “yola salınır”.

Saytımızın əldə etdiyi maraqlı məqam isə Mehman Şükürovun “ölü can”lara olan “vurğunluğudur”. Belə ki, hələ illər öncə Mehman Şükürovun Sumqayıt Dövlət Musiqili Dram Teatrının direktoru olduğu zaman teatrda 100-dən artıq “ölü can”lar olub. O zaman bu barədə hüquq mühafizə orqanlarının teatrda apardığı araşdırma zamanı da bu fakt öz təsdiqini tapıbmış.

Xatırladaq ki, 2014-cü ildə qalmaqallı formada işdən çıxan Mehman Şükürov istefasının səbəbini səhhətində olan problemlərlə əlaqələndirmişdi. M.Şükürovun mədəniyyət tariximizdə analoqu olmayan bıabırçılıqdan sonra yenidən Sumqayıt Regional Mədəniyyət İdarəsi kimi böyük və məsuliyyətli təşkilata rəhbərlik etməsi görünür, Mədəniyyət naziri Əbülfəs Qarayevin ona olan “xüsusi diqqət”idir.

Bu yazını paylaş

Jurnalist Aqil Mahmudov həbs olundu

Next Story »

Ata övladlarının haqsız həbsinə fəryad edir

Məqaləyə şərh yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.