Naxçıvanda ilginc koronavirus cinayəti baş verib: Vasif Talıbovun qohumlarından bir-neçəsi virusa yoluxub?

Naxçıvanda koronavirusun yayılması ilə bağlı jurnalist Cavanşir Həsənli ilginc məlumat paylaşıb.

AZELTV xəbər verir ki, jurnalist sosial şəbəkə hesabında paylaşdığı məlumatda muxtar respublikanın Ali Məclisinin sədri Vasif Talıbovun qohumlarından bir-neçəsinin də təhlükəli virusa yoluxduğunu qeyd edib:

“Dünən Naxçıvanın Şərur rayonunun Aralıq kəndində koronavirusun yayılması və bununla bağlı Vasif Talıbovun göstərişi ilə kənd xəstəxanasının baş həkimi Asəf Tağıyevin işdən çıxarılması barədə məlumatları qeyd eləmişdim. Əslində təfərrüatı ilə məlumatım vardı, sadəcə rəsmi qurumları real vəziyyəti gizlətməməyə, rəsmi açıqlama verməyə çağırmışdım.

Bu gün isə Naxçıvan Muxtar Respublikası Səhiyyə Nazirliyi məlumat yayaraq 18 nəfərdə belə bir virusun aşkarlandığını, onlardan 17 nəfərinin xüsusi rejimli xəstəxanada müalicələrini davam etdirdiyini təsdiq edib.

İndiyə qədər muxtar respublika rəhbərliyi real vəziyyəti nəinki təhrif edirdi, hətta faktları gizlədirdi. Səbəbi təkcə Naxçıvanda problemlərin ört-basdır edilməsi ənənəsi ilə bağlı deyildi, həm də onunla bağlıdır ki, muxtar respublikada virusa yoluxma faktı Naxçıvan Ali Məclisinin sədri Vasif Talıbovun qohumlarında da qeydə alınıb. Belə ki, virusa yoluxanlar arasında Vasif Talıbovun Aralıq kənd sakini olan 1968-ci il təvəllüdlü əmisi nəvəsi və onun ailə üzvləri də var. Etika xatirinə həmin şəxslərin adını, soyadını yazmıram.

Virusun mənbəyi İrandır və Naxçıvanda virusa ilk yolixma faktı Talıbovun əmisi nəvəsinin Xök kəndindən olan və bir müddət əvvəl İrandan qayıtmış baldızında qeydə alınıb. Həmin şəxs baldızı İrandan qayıtdıqdan sonra onun karantinə alınmasına imkan verməyib, qadın bir müddət Vasif Talıbovun əmisi nəvəsinin kənddəki lavaş sexində işləyib.

Aralıq kəndində koronavirusun qeydə alınmasından sonra bu faktı ört-basdır etməyə çalışıblar və kənd xəstəxanasının baş həkimi Asəf Tağıyevin bu səbəbdən işdən uzaqlaşdırıldığı bildirilir.

Hazırda kənddə virusa daha çox adamın yoluxmuş ola biləcəyi ilə bağlı narahatlıqlar var”.

Naxçıvan rəhbərliyinin də mövqeyini dərc etməyə hazırıq.(aztoday.az)

Bu yazını paylaş

İş adamı: “İcra başçısı 2 milyona zavod tikdirib, 38 milyon kredit götürüb, 4.5 milyona torpaq satıb…”

Next Story »

Zakir Fərəcovun bacısı oğlu Sumqayıtda ağaclara “soyqırım” edir Video

Məqaləyə şərh yazın

Your email address will not be published. Required fields are marked *

This site uses Akismet to reduce spam. Learn how your comment data is processed.